|
SERVICIO DE ANALISES ESPECIAIS
Área
de Edafoloxía e Química Agrícola da Facultade
de Ciencias de Ourense da Universidade de Vigo |
| ANALISES
DE TERRAS E CONSELLOS DE FERTILIZACION |
Que teñen
interese sobre todo para deseña-lo abonado de fondo antes
de renovar ou facer unha nova plantación e que pode incluír
os seguintes aspectos:
Planificación e recollida das mostras de solos, empregando
procedementos que aseguren a súa representatividade.
Análises das terras recollidas utilizando as técnicas
recomendadas internacionalmente para caracteriza-la fertilidade
dos solos acedos.
Interpretación dos resultados empregando criterios propios,
que teñen en conta as esixencias dos portaenxertos e
variedades empregadas e os obxectivos técnicos i económicos
de cada explotación.
Elaboración de Programas Personalizados de Fertilización,
que inclúen doses, tipos de abonos e calendarios de aplicación.
Elaboración de Programas Personalizados de Fertilización
para explotacións que queiran beneficiarse das vantaxes
reservadas a Agricultura Ecolóxica.
Asesoramento cara a reestructuración dos viñedos
e a implantación de novas variedades.
|
| ANÁLISES
FOLIARES |
Nos
países de Viticultura mais desenvolvida os viticultores
aprenderon a recoñecer que a fertilización anual
de mantemento e uns instrumento imprescindible para mellorar
a calidade da colleita e valorar os importantes aforros de diñeiro
e de problemas que se poden conseguir cunha fertilización
equilibrada.
Queremos ser os primeiros en ofrecer un servicio –os análises
foliares-, imprescindible para planifica-lo abonado de mantemento
e para identificar os problemas de carencia ou toxicidade e
os desequilibrios que poden afectar a calidade da colleita.
Planificación e recollida do material vexetal –peciolos
no pintor-, garantindo a súa representatividade.
Análises das mostras recollidas utilizando as técnicas
recomendadas internacionalmente para análises de tecidos.
Análises específicos para identificar problemas
frecuentes nos viñedos galegos (p.ex., problemas co Boro,
con Manganeso, co Cobre, co Zinc), que non se inclúen
nos análises de rutina.
Interpretación dos resultados empregando criterios propios,
que teñen en conta as características do material
vexetal e os resultados dos análises de viños
e mostos.
Elaboración de Programas Personalizados de Fertilización,
que inclúen doses, tipos de abonos e calendarios de aplicación.
|
| DIAGNOSTICO
RAPIDO DE PROBLEMAS DE FERTILIDADE E VIGOR |
Nas
situacións de emerxencia, cando se presentan algúns
problemas concretos –carencias de Boro e de Nitróxeno,
desequilibrios do Potasio, etc.- que poden compromete-la calidade
da colleita, a rapidez de resposta e fundamental, porque moitos
deses problemas teñen remedio se os atallamos axiña.
Nesas condicións resulta imprescindible dispoñer
dun diagnóstico rápido, que normalmente non ofrecen
os laboratorios tradicionais. Queremos ser os primeiros en ofrecer
un servicio de diagnóstico rápido, pensado especificamente
para atallar ese tipo de emerxencias.
Aproveitando as posibilidades que ofrecen os novos equipos e
test de diagnóstico rápido, nos elaborar un Diagnóstico
Rápido e –de selo caso- a elaborar una Resposta
de Emerxencia nun prazo máximo de 4 días dende
o momento do desprazamento as viñas con problemas.
Tamén ofrecemos un servicio de Diagnóstico Rápido
dos problemas de Vigor, que sempre se pode complementar con
Seguimentos do Vigor ó longo do tempo e o Deseño
de Coberturas Herbáceas para controla-lo problema.
|
| SEGUIMENTO
DA MADURACION FENOLICA |
Cada
vez hai máis adegas interesadas nas posibilidades que
ofrecen algunhas das nosas variedades tintas para elaborar viños
de crianza. Arestora admítese que ese potencial depende
fundamentalmente do contido en polifenois e antocianos, que
son compostos que actúan como factores de lonxevidade,
determinando a intensidade e a persistencia do color e o potencial
para a conservación.
Para atender a esa inquedanza ofrecemos un servicio de Seguimento
da Maduración Fenólica, baseado en controles periódicos
das uvas na fase final do período de maduración.
E un servicio que complementa a oferta dos laboratorios enolóxicos
que operan nas DO e que deixaremos de ofrecer cando eses laboratorios
ó incorporen a súa oferta. Está pensado
para que os enólogos que traballan nas adegas e os responsables
das explotacións, dispoñan da información
necesaria para acadar ó mellor compromiso entre maduración
fenólica e madurez tecnolóxica e inclúe
as seguintes determinacións:
· Indice de Polifenoles Totales (IPT),
· Potencial de Polifenoles (PP)
· Extractabilidad de Antocianos ou Extractabilidade Celular
(EC)
· Valoración da Contribución dos Taninos
presentes nas pebidas (TP).
· Antocianos Extraíbles (AE) e Totais (AT)
· Intensidade Colorante (IC).
|
| ASESORAMIENTO
PARA LA IMPLANTACIÓN DE NORMAS ISO Y APPCC. |
Esquecidos
os tempos en que o sector tratou de competir con productos de
baixo prezo, arestora todo o mundo recoñece que ó
futuro do sector vitivinícola galego, pasa por enfrontarse
os competidores que tratan facerse cun mercado no que os nosos
viños brancos case non tiñan competencia, pero
tamén por conseguir sitúa-la nosa oferta de viños
tintos nun mercado extremadamente competido e con unha oferta
cada vez máis diversificada.
Para competir non hai máis remedio que apostar pola calidade
e para eso os investigadores do noso equipo que traballan no
eido da Normalización dentro da Tecnoloxía dos
Alimentos, están preparando unha oferta pensada para
axudar as empresas e/ou explotacións que dispostas a
acredita-las súas instalacións. A oferta inclúe
o estudio e asesoramento para conseguir as seguintes certificacións:
· CERTIFICADO ISO-9002, para certificar todo o proceso
de producción dende a viña ate ó consumidor.
· IMPLANTACIÓN DO SISTEMA APPCC.
· CERTIFICACIÓN EN MEDIO AMBIENTE e SISTEMA INTEGRADO
que inclúe dende as NORMAS ISO-9001-2000 ata a ISO-14001.
|
|
