O 26 de Xulio de 2004, foi publicada no BOE a RESOLUCIÓN de 7 de julio de 2004, da Subsecretaría do MAPA, pola que se dispón a publicación do Acordo da Comisión de Análise prevista no Real Decreto 595/2002, de 28 de junio, por lo que se regula a habilitación para exercer as profesións de enólogo, técnico especialista en vitivinicultura e técnico especialista en elaboración de vinos.

Descargar regulamento en pdf

A asociación “Álvaro das Casas” remitiu un escrito ós Concellos da denominación de orixe Ribeiro para que aproben unha moción recomendando a adegueiros e colleiteiros o emprego do idioma galego nas súas etiquetas e accións de promoción. Na actualidade, unhas 70 adegas –a maioría de colleiteiros- empregan habitualmente esta lingua.
Que o viño do Ribeiro “fale" galego. Ese é o obxectivo que, con motivo do Día das Letras Galegas, persegue a asociación cultural “Alvaro das Casas" coa súa última iniciativa. Trátase de propor ós Concellos da denominación de orixe que aproben unha moción para “remitirlle-la a tódolos adegueiros e colleiteiros da comarca do Ribeiro do Avia e recomendarlles a todos eles o uso da lingua galega na etiquetaxe dos envases, rotulación das embalaxes e na publicidade no ámbito da nosa Comunidade Autónoma". A proposta básase tanto nas leis vixentes coma en estudios que recoñecen que “o uso da lingua galega na etiquetaxe non é nunca un obstáculo para a súa comercialización e tampouco provoca o rexeitamento dos consumidores", segundo recolle o escrito enviado ós Concellos. Unha idea que, no caso da denominación de orixe Ribeiro, teñen asumido unhas 70 adegas das 101 existentes. Son, na súa maioría, viños elaborados por colleiteiros, mentres que a maior parte das adegas industriais -principais productoras- optan polo castelán nas súas etiquetas. Nembargantes, segundo o presidente do Consello Regulador, José Antonio, “Galicia vende nos productos agroalimentarios e cada vez máis os productores queren identificarse con ela". Engade que “no Consello emprégase o galego".

Viña Amoriño e Bantiño obtiveron os premios nas categorías de branco e tinto.
A participación nesta edición limitouse a quince adegas e doce colleiteiros.
A vila de Ribadavia quedou onte pequena, coma tantas outras veces ocorre, para acoller os miles de persoas que se desprazaron ata a capital do Ribeiro para disfrurtar dos viños da comarca. O bo tempo acompañou durante toda a xornada e o fluír de visitantes foi constante todo o día. A concesión dos premios deixou, un ano máis, satisfeitos ós galardoados; decepcionados a quenes esperaban máis do concurso e despistado a máis dun visitante, como tamén ocorre sempre. A última hora da tarde todos querían probar e comparar.
O comité de cata concedeu, no apartado de adegas industriais, o primeiro premio de brancos ó Viña Amoriño vendima de Oro, de adegas Docampo; o segundo, ó Beade Primacía, de Portela SAT; o terceiro, a Pazo casanova, de Pazo Casanova. Os galardóns en tintos foron para Bantiño, de Adegas Barbantiño; Viña Docampo, de Adegas Docampo, e Alén da Istoria, da Vitivinícola do Ribeiro.
En canto a producción de colleiteiros, os distinguidos en brancos foron Lagar de Merens, de José Meréns; Sameiras, de Antonio Cajide e Casal de Arman, de Javier González Vázquez. En tintos, Casal de Arman, Sameiras e Barazal, de Elisa Collarte Fernández.
Na Feira do Ribeiro, que o sábado contou coa presencia da ministra de Agricultura, Elena Espinosa, participaron nesta ocasión doce colleiteiros e quince adegas, unha cifra superior a do ano pasado, que, de todos modos, queda moi lonxe da masiva afluencia de antano e do total de inscritos no consello regulador. Só no apartado de adegas industriais, o consello regulador conta con 99 empresas.
A edición presentou como novidade unha iniciativa do campus ourensán, que ofreceu ós viños do Ribeiro a primeira páxina do seu acceso a internet. Tamén o sábado pola noite organizouse unha cea medieval de confraternidade entre representantes das firmas asistentes a feira e os membros da corporación local de Ribadavia.

A presencia dun membro do goberno de Zapatero en O Ribeiro espertou expectación ó visitar a feira do Viño tras un almorzo de traballo con Touriño.
Con varias horas de atraso sobre o inicialmente previsto polos dirixentes de Ribadavia, Elena Espinosa, a nova Ministra de Agricultura, chegou a capital do Ribeiro con puntualidade británica para participar e respaldala Feira do Viño.
Fíxoo cun flamante traxe da chaqueta, color branco roto, segundo as últimas tendencia de moda ou si se prefire, co “beige” de toda a vida. E por se a ideoloxía de esquerdas neste caso, tivese color, coincidiu nos tonos e case no deseño coas dúas concellalas do grupo de goberno.
Entrou polo seu propio pé na praza Maior, dando exemplo o respetala prohibición de aparcar na parte antiga da vila e foi recibida cos sons máis tradicionais do grupo de gaitas Virxe do Portal.
Alí a esperaba un mundo de incondicionais, dos que non o son tanto e dos que non se querían perdela foto. Xa o dixo Alfonso Guerra, que o que se movía non saía e mais dun e dunha non perderon paso durante todo o recorrido.
Na súa primeira visita institucional a O Ribeiro foi profeta na súa terra: recibiu de mans da filla dunha concellala socialista un ramo de flores, repartiu bicos a destro e sinistro, entre os membros da corporación, ó presidente do consello regulador e a todos aqueles que quixeron vela de cerca, e firmou no libro de honor do Concello, agradecendo a súa elección para asistir a Feira do Viño.
Recorreu un a un os postos dos participantes no certame, onde dedicou especial atención, no da Cooperativa, ó coñecer as características dos tostados e tivo tempo tamén, sen perdelo sorriso un momento, de interesarse pola primeira páxina de Internet de Galicia dedicada a vitivinicultura.
As negociacións de España na Unión Europea e as produccións de tabaco, algodón e lúpulo tamén foron recordados por Elena Espinosa, o cargo é o cargo, que se despediu da provincia cunha comida, no pazo de Esposende, cos cargos institucionais do PSOE de Ourense.
Sen tempo case para disfrutar de amigos e familia regresou a Madrid onde hoxe repite celebración, o aniversario 125 do PSOE.

Coa mirada posta na inestable climatoloxía, a feira do Viño do Ribeiro segue servindo de reclamo para os amantes dos bos viños e da diversión, ós que tamén se suma a gastronomía.
Non so pola posibilidade de degustar embutidos, mariscos, o queixo, ademais de polbo do Carballiño e pan de Cea, senón porque onte o recinto da Alameda converteuse no escenario da presentación dos premios culinarios “Tenedor de Oro”. Uns galardóns que chegan a súa edición e nos que participaron xa 200 establecementos de toda Galicia. O prazo de inscrición para poder optar a eles, nas oito modalidades que recolle, finaliza o 17 de maio Día das Letras Galegas, segundo anunciou Ana Álvarez, coordinadora dos premios.
No acto de presentación estivo o propietario do restaurante local Pucheiro e a imaxe dos premios, a cantante galega Lucía Pérez.
Sinalar ademais que aparte da oferta vitícola, agraria e alimentaria do recinto feiral a organización incluíu onte un mercado de artesanía na Magdalena, que hoxe tamén completará o programa de actos da feira.

O final da Feira do Viño do Ribeiro fixouse oficialmente para as 20.30 horas coa entrega de diplomas a tódolos participantes na edición número corenta e un do festexo. Media hora máis tarde farase tamén a entrega de premios os ganadores da cata oficial dos viños de O Ribeiro que se celebrou o pasado 24 de abril, cun panel de cata de gran prestixio formado por nove técnicos e especialistas das mellores publicacións e colectivos vitícolas de Galicia.
Co final do certame comeza unha nova etapa tralo compromiso do rexidor de convocar ó sector no prazo dun mes, para sentar as bases de creación dun patroato para organizala feira de 2005.

A Feira do Viño da comarca inaugurase hoxe a partir das seis de la tarde
O recinto oficial recupera a Alameda, distribuída en tres áreas para favorecer o festexo
O día chegou e a edición número corenta e un da Feira do Viño do Ribeiro comeza hoxe a súa andadura con dous claros obxectivos, promocinalos seus caldos coa apertura de novos mercados e co desexo de marcar un antes e un despois trala súa celebración.
As 18.00 horas o Concello convertese no escenario para a recepción de autoridades e invitados.
Entre eles o titular da Consellería de Política Agroalimentaria, Juan Miguel Diz Guedes, que asume, unha hora despois na Alameda, o acto de inauguración oficial, despois de que a ministra de Agricultura confirmase que non pode chegar a Ribadavia ata mañá sábado.
Antes o director xeral da Confederación de Cooperativas Agrarias Europeas, Eduardo Baamonde lerá na Casa da Cultura o pregón de exaltación do viño do Ribairo e o certame que se prolongará ata o domingo. Durante estes días, a alameda recupera o protagonismo de anos pasados e con unha distribución diferenciada, para facilitar o desenrolo do festexo: en A Picuxa o salón alimentario, xunto o palco de música a maquinaria agrícola e no centro o recinto principal para adegas e colleiteiros.

A nova Ministra de Agricultura, a Ourensá Elena Espinosa, ía sela encargada de inaugurala 41ª Edición da “Feira do Viño do Ribeiro”, o día 30 de abril de 2004 as 18.00 horas na Casa da Cultura, no primeiro acto público en Ourense dende o seu nomeamento. A clausura será o día 2 de maio.
Pero por problemas de axenda debido ó cambio do consello de Ministros, deberá pospoñela súa asistencia á feira para o día seguinte as 12:00 h. para despois pasar a firmalo libro de honor do Concello e recorrer os distintos stands dos participantes nesta edición.
O pregón correrá a cargo do presidente da Confederación de Cooperativas Agrarias da UE, Eduardo Baamonde e a inauguración será efectuada polo Conselleiro de Política Territorial Diz Guedes no recinto pendente de inaugurar da Alameda, onde se poderán degustar a parte dos famosos caldos da comarca, polbo e mais manxares.
Durante a edición desta festa, haberá tamén programa de música con verbenas e a presentación dos premios gastronómicos “Tenedor de Oro”, o día 1 de maio.
Dende fai máis de 40 anos, celébrase en Ribadavia, a Feira do Viño do Ribeiro, declarada de interese turístico nacional.
Miles de persoas de toda Galicia e outras rexións españolas danse cita aquí en Ribadavia, para degustar os nosos apreciados e saborosos caldos a finais de abril e principios de maio.
Na feira comprobase a evolución na elaboración e presentación deste “Gran producto do Ribeiro”, que acada altas cotas, tanto a nivel nacional como internacional. Os viños do Ribeiro, contan cunha fama e tradición milenaria e constitúen unha parte fundamental da historia e cultura da comarca do Ribeiro, situada na zoa occidental da provincia de Ourense, na confluencia dos ríos Miño, Avia e Arnoia. Os viños da comarca do Ribeiro, están acollidos á denominación de orixe Ribeiro, garantindo o Consello Regulador da denominación, a súa calidade.

A XVI Feira do Viño do Ribeiro será o marco de presentación dos Premios Gastronómicos “Tenedor de ouro”, un acto que terá lugar o sábado, as doce horas, no recinto feiral. Estes premios son otorgados por unha revista de ámbito nacional especializada e de gran prestixio que elixiu a feira de Ribadavia pola súa boa relación cos restauradores da zoa.
“É importante que veñan porque é a primeira vez que esto ocorre e o viño e a gastronomía son dous sectores que van moi unidos. Considerámolo un acto de gran relevancia”, afirma o concellal de cultura, javier Iglesias Sendín. Estes premios son votados polo público, que valora a calidade dos restauradores que se presentan ó concurso.
A Feira do Ribeiro conta cos seus propios premios de cata, cun panel de expertos integrado por redactores de revistas especializadas, membros da asociación de sumilleres e outras personalidades do mundo do viño. Paralelamente á cata oficial haberá outra de caracter popular con premios ós mellores viños e as os mellores catadores. A cata popular irá acompañada de degustación no salón gastronómico situado na Picuxa, encima da Alameda, con productos típicos como polbo, mexillóns, ostras, pan de Cea...A copa de cata custará 2 euros e a degustación 1.50 euros.

O rexidor municipal de Leiro, recordou onte a historia que asegura que a primeira cepa do Ribeiro púxose en san Clodio, e na mesma localidade, presentouse onte o viño tostado, un producto tradicional que dende onte está amparado pola denominación de orixe Ribeiro.
De feito a inclusión deste tipo de viño doce obrigou a modificar o actual regulamento do consello regulador e onte o Diario Oficial de Galicia recolleu a reforma que converte a esta zoa vitícola ourensán na primeira do Estado Español que ampara este tipo de viños.
Juan Miguel Diz Guedes, titular da consellería de política Agroalimentaria, eloxiou a súa recuperación e considerouna “unha aposta decidida dos productores do Ribeiro”. Incidindo en que no momento actual é dunha etapa de investigación e desexou que dentro dun ano se poida degustar de maneira definitiva.
Reiterou durante a presentación, o conselleiro, que o DOG dálle cobertura legal a un producto do que espera “enriquezca ó consejo e ó Ribeiro, ó ser un valor engadido”.
Por outra parte sinalar que será finalmente Juan Miguel Diz Guedes o encargado de inaugurar a Feira do Viño do Ribeiro, mañá a partir das 18.00 horas, xa que a decisión de Rodríguez Zapatero de amplialo desenrolo do consello de ministros a horario de tarde, impide a Elena Espinosa, ministra de Agricultura, chegar ó certame. Eso si, estará en Ribadavia as 12.00 do mediodía, onde recorrerá o recinto feiral da alameda despois de ser recibida pola corporación municipal na casa consistorial e de firmar no libro de honra do Concello.

El vino tostado –branco y tinto- xa é un producto da denominación de orixe Ribeiro, a primeira de España que ampara un viño doce elaborado de forma natural. Un viño de elite que se presentou onte no mosteiro de San Clodio e que, sen embargo, ten unha longa tradición na comarca. Coa súa recuperación, pretendese convertelo no “viño de postres de Galicia”, o que para o conselleiro de Política Agroalimentaria, Juan Miguel Diz Guedes, é “unha aposta decidida do sector”.
O Diario Oficial de Galicia publicaba onte a modificación do regulamento da denominación de orixe Ribeiro para incluílas características e modos de producción dun novo producto: o viño tostado. Un caldo de calidade que onte presentábase en sociedade no mosteiro de San Clodio cun acto presidido polo conselleiro de política Agroalimentaria, Juan Miguel Diz Guedes, e o que acudiron tamén o presidente da Deputación, José Luís Baltar, ademais de alcaldes da comarca e numerosos adegueiros e “colleiteiros”. Pero, a pesar de ser un novo producto do Ribeiro, a producción do tostado na comarca ven de lonxe, aparecendo en documentos con 300 anos de antigüidade.

Orde do 19 de abril de 2004 pola que se modifica o regulamento da denominación de orixe ribeiro e o seu consello. (Dispoñible en PDF).

Por Orde do 2 de febreiro de 1976 aprobouse o regulamento da denominación de orixe Ribeiro e o seu consello regulador, no que se recolleron as características máis sobranceiras dos viños elaborados nesta comarca e as técnicas vitivinícolas admitidas para a súa obtención. Pero, nese texto non se recolleu un tipo de viño tradicional na comarca, que tivo grande sona, transcendendo fora do territorio do Ribeiro, contra finais do século XIX e principios do século XX.
Ese viño, coñecido co nome de Tostado, é un viño doce obtido a partir da selección das mellores uvas, principalmente brancas autóctonas, que se sometían a un proceso artificial de secado en locais con ventilación.
Posteriormente, durante o inverno ou principios da primavera procedíase á prensa da uva e a filtración previa á fermentación. Despois o viño maduraba en cubas de madeira antes do seu consumo.
En consecuencia, por pedimento do sector interesado, unha vez avaliados os informes técnicos presentados e de conformidade co artigo 30.I.3 e 4 do Estatuto de autonomía de Galicia, modifícanse os artigos 1, 5, 8, 11, 13, 16 e 21 do regulamento da denominación de orixe Ribeiro e o seu consello Regulador, para acoller o “Tostado” a dita Denominación.

Juan Miguel Diz Guedes, titular de la Consellería de Política Agroalimentaria, está hoxe na provincia de Ourense, en dúas convocatorias: a do consello regulador do Ribeiro para presentar o viño tostado e en Toén no acto da inaguración das novas instalacións das adegas Pazo do Mar S.L.
O salón Benedictino do hotel monumento de San Clodio será o escenario da nova aposta da denominación máis antiga de Galicia, a de amparar uns viños chamados a fomentar a calidade de O Ribeiro e a diversificalo comercialmente.
Durante o acto de presentación oficial un técnico do consello explicará, de forma pormenorizada, cada un dos pasos que é necesario seguir no proceso de elaboración desta nova variedade de viño, que converte a O Ribeiro na única denominación de toda Galicia que ampara estes viños.
Toén.
A segunda parada no recorrido matinal do conselleiro de Política Agroalimentaria en Ourense é en Toén, en concreto en fea, na carreteira entre Ourense e Castrelo, para respaldala inauguración e a apertura dunha nova adega, Pazo do Mar, S.L.

O sábado celebrarase unha cea medieval para os participantes no certame.
Os preparativos de cara a celebración da edición número corenta e un da Feira do Viño do Ribeiro seguen segundo todo o previsto. Onte a primeira hora da tarde partiu de Ribadavia o autobús promocional do certame que recorrerá toda a comunidade autónoma galega ata o próximo domingo. A publicidade visual iniciou o seu recorrido por o carballiño e hoxe continuará en dirección a Vigo.
Sinalar tamén que mentres se seguen instalando as infraestructuras no recinto, na parte central e xunto do palco de música, xa comezou tamén a colocación do iluminado festivo.
A cea medieval, para os participantes na feira, os membros da corporación e representantes dos medios de comunicación, convocouse xa para o sábado, na Madalena as 22.00 horas. Tratase dunha iniciativa nova nesta edición, polo que a organización segue pendente da climatoloxía para garantir a asistencia de público.

A Denominación de Orixe Ribeiro inclúe dende hoxe o viño tostado, tanto branco como tinto, entre os seus caldos, o que obrigou a modificalos estatutos da institución vitivinícola. Así, convertese na primeira denominación de orixe de toda España que conta con este tipo de viño, que foi presentado hoxe no mosteiro de San Clodio, nun acto que foi presidido polo Conselleiro de Política Territorial, Juan Miguel Diz Guedes. Este viño doce realizase con variedades tradicionais e cun método de elaboración totalmente natural e coas uvas de maior calidade. O viño tostado destaca por ser un producto con tonalidades tostadas, olores moi diversos e unha sensación en boca doce e sedosa. O presidente do Consello Regulador da Denominación de Orixe Ribeiro, José Antonio Bouza explicou que a súa intención é “recuperar un producto típico da comarca e volver a estar na cabeza das denominacións de orixe do Estado con este viño de postres”.
Pola súa parte, o conselleiro de Política Agroalimentaria, Juan Miguel Diz Guedes, asegurou durante a presentación que a introducción desta variedade supón unha aposta decidida do sector a favor dos productos de calidade e por un viño novo. Posteriormente, Diz Guedes presidiu o acto de inauguración de Adegas Pazo do Mar, unha nova adega de viños do Ribeiro e a que a consellería de Política Agroalimentaria subvencionou con algo máis de 400 mil euros.

O Consello Regulador da denominación de orixe Ribeiro presentará mañá en San Clodio a normativa para a elaboración de viño tostado, nun acto que contará coa presencia do conselleiro de Política Agroalimentaria. Trátase da primeira denominación española que ampara un viño destas características (naturalmente doce), e que empezará a producirse a partir da próxima vendima.
O Ribeiro será a primeira denominación de orixe de España que ampara o viño naturalmente doce ou tostado. O consello Regulador presenta mañá a normativa para a elaboración do tostado, nun acto que será presidido polo conselleiro de Política Agroalimentaria, Juan Miguel Diz Guedes. O tostado é un viño de calidade e tradición que poderá empezar a elaborarse a partires da próxima vendima. “Temos documentada a súa elaboración nas casas fidalgas da comarca e queremos recuperalo. Cremos que dará máis xogo á denominación, será un plus, un distintivo que lle de prestixio a nivel nacional e internacional”, explica o presidente do Consello, José Antonio Bouza Escudero.
Investigación.
Algunhas das adegas da denominación, como a Cooperativa Vitivinícola, investigaron e experimentaron a elaboración deste viño, naturalmente doce, para conseguir igualalo ó que tradicionalmente se producía na comarca. As previsións do Consello Regulador son que a producción de tostado non será moi elevada, ó tratarase dun viño de elite, que require 15 kilos das mellores uvas para a elaboración dun litro de viño. O proceso de elaboración ten, ademais, un tempo de pasificación e un total dun ano (a partir da próxima vendima) ata estar preparado para chegar ó mercado.