VITIGAL.com nace coa intención de converterse
no Portal de referencia para todo o Sector Vitivinícola
Galego e tamén, nun instrumento ó servicio
de tódolos interesados no mundo das viñas e do
viño. Nace coa vocación de converterse no punto
de encontro onde productores, industriais, subministradores
de productos, equipos e servicios, distribuidores, técnicos,
investigadores, institucións poden dirixirse para atopar
calquera cousa, información ou servicio que precisen,
sempre que estean relacionados co Sector Vitivinícola.
Para facer mais doados os intercambios VITIGAL.com. está
dividida en fiestras e seccións temáticas
que tratan de facilitar os encontros e fomentar os intercambios
entre as xentes e as empresas do sector.
Nesas fiestras inclúense tanto directorios reservados
para as empresas, adegas, subministradores de equipos, productos
e servicios de todo tipo (p.ex., nas fiestras dedicadas as EMPRESAS,
SERVICIOS, SEGUNDA MAN), nos que iremos incluíndo
novas empresas e as direccións de contacto e que se ofrecen
gratuitamente ás empresas do sector. Co tempo tamén
temos pensado en ofrece-la oportunidade de alugar espacios de
comunicación, para aquelas empresas as que lles interese
detallar polo miúdo os productos e servicios que comercializan.
As xentes que tiramos do carro de VITIGAL.com. somos xentes
que traballamos na Universidade, polo que este portal tamén
nace con unha certa vocación didáctica,
de extensión e divulgación, polo que aproveitaremos
outras fiestras (ESCOLA VIRTUAL, FORMACIÓN,
INVESTIGACIÓN) para incluír contidos que
teñen un compoñente didáctico,
cursos e cursiños (de ENOLOXÍA, de VITICULTURA,
etc.), críticas e comentarios sobre
libros, traballos de extensión (p.ex., prácticas
sinxelas para que os viticultores poidan valora-la calidade
da colleita no parágrafo CALIDADE).
VITIGAL.com. tamén quere atender os temas relacionados
coa FORMACIÓN E EMPREGO
apartados os que lles reserva unha fiestra, na que atoparedes
dende novas relacionadas con cursos e masters,
ata espacios reservados para que os novos titulados inicien
a súa andaina nas empresas do sector vitivinícola.
Temos moitas esperanzas postas na bolsa de traballo
que aparece na fiestra OFERTAS E DEMANDAS
DE EMPREGO e confiamos que co tempo, converterase nunha
referencia para o sector.
VITIGAL.com. tamén quere ser fiestra aberta a outras
realidades vitivinícolas, que sirva tanto para que as
nosas xentes coñezan as viñas, as paisaxes
e os viños de outras partes do mundo, pero tamén
para que a comunidade virtual que utiliza a rede poida asomarse
o sector vitivinícola galego. Tanto a fiestra VIÑAS
E VIÑOS como a reservada para as DO
GALEGAS serán as encargadas de facer posible esta
aspiración e estamos traballando para organizar unha
rede de corresponsais nas DO galegas e en algunha rexión
vitícola importante no panorama internacional.
En outras recunchos de VITIGAL.com. temos intención de
expoñer información de interese
para o sector (NOVAS E AVISOS, A ECONOMIA,
O TEMPO).
Polo momento non será moita, xa que a xeración
de información en tempo real esixe recursos materias
e humanos dos que carecemos, inda que confiamos que -pouco a
pouco e coa axuda do sector- os iremos conseguindo.
|
