Evolución das superficies e da producción

No devandito Congreso presentouse un informe feito entre Onivins e Ernst & Young, con unha serie de previsión -que non levan moito camiño de acertar- inda que a xeo-economía do viño, segue evolucionando arredor de tres ideas principais, que hoxe semellan ben asentadas:

·         A globalización dos intercambios de productos e servicios, na que destaca o crecemento da demanda de viño nos novos países consumidores.

·         A estabilización do potencial de producción a nivel mundial, porque a reducción da superficie en Europa compensa o crecemento das viñas nos novos países productores.

·         As políticas activas de mellora-la calidade, nas que andan practicamente tódolos productores do mundo, que se concretan as máis das veces en limitación dos rendementos

Evolución das superficies e a producción

No ano 2001 a superficie dedicada a viñas no mundo case se estabilizou (+0,06%), xa que o crecemento das viñas no hemisferio sur, compensáronse cos arranques en Europa. A OIV dixo que a colleita do 2001 foi de media a baixa, xa que a producción total baixou un 3%, pasando os rendementos medios ata 29,6 hl/ha.

España é o país que dedica máis superficie ó viñedo e detrás nosa veñen Francia e Italia, pero nos tres se están arrincando viñas, mentres que se plantan en case tódolos países que veñen detrás de nós na clasificación.

A superficie plantada case non aumentou (+0,06%) no conxunto do mundo, inda que sigue a medrar no Hemisferio Sur, que se compensa coas viñas que se están arrincando en Europa.

Evolución do consumo e das exportacións

Os que producen máis viño non teñen porque ser forzosamente os que máis viño beben.

O consumo mundial anda sobre 220 millóns de hl e sigue medrando en Norteamérica e no norte de Europa, o que compensa a baixada do consumo en algúns dos países productores tradicionais (Francia, Italia, España, Arxentina…).

As exportacións andan polos 70 millóns de hl, destacando a tendencia a aumenta-las exportacións de Italia, España e Australia, inda que hai variacións máis ou menos importantes duns anos a outros. Curiosamente, as importacións tenden a baixar porque os países productores importan menos mentres que algúns países que non son productores están comezando a reexportar parte dos viños que mercan fora.

Inda que somos os que dedicamos máis superficie o viñedo, non somos os que producimos máis viño, porque moitas das nosas viñas dan rendementos moi baixos; por eso no taboleiro no que aparecen os maiores productores España vai no terceiro lugar, por detrás de Francia e Italia.

Os que importan máis viño son os alemáns e os ingleses, pero tamén Francia importa cantidades considerables –xa sospeitades para qué-, de xeito que se pode dicir que en xeral, as importacións de viño son cousa dos países con máis nivel de renda.

A cabeza dos exportadores está Italia, seguida de Francia e España vai despois a moita distancia dos novos productores, que están aumentando rapidamente as súas exportacións, que se irán disparando conforme se vaian caendo os aranceis.